Հատված ԵԿՄ-ին վերջերս անդամակցած քաղաքագետ Սուրեն Սուրենյանցի հետ հարցազրույցից:
– Լինելով ԵԿՄ շարքային անդամ, ինճ շատ է անհանգստացնում առկա վիճակը,- ասաց Սուրենյանցը։- Պատճառը շատ ավելի խորքային է, քան այն վերլուծությունները, որ մամուլում են տեղ գտնում։ Ցավոք, ԵԿՄ-ն դարձել է մի «թխվածք», որի համար անզիջում պայքար են ծավալում թե իշխանությունը, թե՛ ընդդիմությունը։ Փնովում են առանց երկրապահին հարցնելու։ Ստեղծված իրավիճակի առաջին պատասխանատուներն են ընդդիմությունն ու իշխանությունը։ Մյուս կողմից էլ, կա օբյեկտիվ իրականություն. գեներալ Մանվելն ու ԵԿՄ-ի այսօրվա ղեկավարությունն այնքան խարիզմատիկ չեն, որքան սպարապետ Վազգեն Սարգսյանն էր, որովհետեւ նրա օրոք ԵԿՄ-ում այսպիսի զարգացումներ պարզապես չէին լինի։
– Այս զարգացումները «ծիլեր» չտվեցի՞ն այն ժամանակ, երբ ԵԿՄ–ն որոշեց «քաղաքականացվել»՝ նախընտրական շրջանում քաղաքական հստակ հայտարարություններ անելով։
– Իհարկե, ԵԿՄ-ն չպիտի քաղաքականացվեր։ Բացարձակապես չեմ արդարացնում այն մոտեցումը, որը վերջին համագումարում դրսեւորվեց՝ կոնկրետ թեկնածուի սատարելու մասով։ Բայց չպետք է անտեսել երկու հանգամանք, առաջին՝ ստեղծման օրից ԵԿՄ-ն միշտ եղել է օրվա իշխանության կողքին, երկրորդ չորս-հինգ տարի առաջ ընդդիմությունն ամեն ինչ անում էր, որ ԵԿՄ-ին ու գեներալ Մանվելին տեսներ հարթակում կանգնած, այսինքն, էլի քաղաքականացնել։ Այնպես չէ, որ այսօր միայն իշխանություններն են այդ դերը ստանձնել։
Կարդացեք նաև
Ռուզան ԽԱՉԱՏՐՅԱՆ
«Իրատես դե ֆակտո»
