Ամերիկացի ճանաչված լողորդուհի Ամանդա Բիրդն իր «Ջրում արցունքներդ չեն երեւում» գրքում խոստովանել է, որ դեպրեսիայի հերթական նոպաներից մեկի ժամանակ ցանկացել է կյանքին վերջ տալ:
Ամանդան, որ ԱՄՆ-ի սպորտի պատմության մեջ երկրորդ ամենակրտսեր լողորդուհին է, որ 1996 թվականին 14 տարեկանում դարձել է օլիմպիական չեմպիոն, գրքում գրել է, որ իր ներկայիս ամուսինը` Սաշա Բրաունը, 2007 թվականին իրեն լողասենյակում հայտնաբերել է արյան լճակի մեջ թաթախված եւ ինքը հրաշքով է ողջ մնացել:
Դեպրեսիաները Ամանդային հետապնդում են դեռ դպրոցական տարիքից: Բայց նա հիմա հակադեպրեսանտներ չի օգտագործում, անհրաժեշտության դեպքում գնում է հոգեբան թերապեւտի մոտ եւ պատրաստվում է Լոնդոնի օլիմպիական խաղերի որակավորմանը: Նա հայտարարել է, որ ցանկանում է երկրորդ երեխան ունենալ եւ դրանից հետո վերադառնալ մեծ սպորտ, որպեսզի 2016 թվականին հանդես գա Ռիո դե Ժանեյրոյի օլիմպիական խաղերում:
Աշոտ ՀԱԿՈԲՅԱՆ
