Գեորգի Վանյանի նման մարդիկ երկրի դավաճան են և ապրելու իրավունք չունեն: ԱրմԻնֆոյի թղթակցի հետ զրույցում այդ մասին հայտարարել է Հայաստանի կինեմատոգրաֆիստների միության ղեկավար, ռեժիսոր Ռուբեն Գևորգյանցը` մեկնաբանելով Գյումրիում ադրբեջանական ֆիլմերի փառատոն անցկացնելու Վանյանի ծրագրերը:
Գևորգյանցի կարծիքով, Վանյանը ղեկավարվում է բացառապես դրամաշնորհներից փող վաստակելու ցանկությամբ: «Նրա ուզածն այն է, որպեսզի փողոցում իրեն բռնեն ու ծեծեն: Դրանից հետո նա անմիջապես կվազի օտարերկրյա դեսպանատուն և կխնդրի ապաստան ու քաղաքացիություն»,- ընդգծել է նա:
Ռեժիսորն ուշադրություն է հրավիրել այն հանգամանքին, որ Բաքուն ոչ մի անգամ հանդես չի եկել հայկական ֆիլմերի փառատոն անցկացնելու նախաձեռնությամբ: «Վանյանը երկրի դավաճան է: Թող մեկնի Ադրբեջան: Ուրիշ երկրներում նրա նմաններին, պարզապես, կգնդակահարեին», – հայտարարել է Գևորգյանցը:
