Այսօր Եղվարդում ՀԱԿ-ի նախընտրական քարոզչության ժամանակ մարզպետն ու իր անձնակազմի անդամները քաղաքապետարանի շենքի վերին հարկի պատուհաններից անընդհատ հետեւում էին, նայում էին, թե ով է եկել ՀԱԿ-ի հավաքին, ով՝ ոչ:
Aravot.am-ի հետ զրույցում մեր հարցին՝ Եղվարդում ՀԱԿ-ի ընտրազանգվածն այսքա՞ն է, թե՞ վախեցել են, չեն եկել՝ Սասուն Միքայելյանը պատասխանեց. «Սրանից են վախենում»՝ ցույց տալով պատուհանից հետեւող մարզպետին: Մեր հարցին՝ բա ինչո՞ւ մարզպետը չի իջնում, վերեւից է միայն հետեւում՝ Սասուն Միքայելյանը հեգնեց. «Էդքան տղա պիտի լինի, որ իջնի»:
Իր ելույթում Սասուն Միքայելյանը նշեց, որ նախ քաղաքավարի լինենք ու բարեւենք էն վերեւներից մեզ նայողներին. «Էէէյ, վի տամ նավերխու, զդրաստվույտե»:
Նախկին քաղբանտարկյալը նաեւ նշեց, որ այս իշխանությունները զոհվածի ընտանիքներին ոչնչով չեն սատարում, չեն գնահատում նրանց արած գործը . «Կռված տղերքը սոված-ծարավ մեռնում են: Ամեն տարի մի հատ լավ պսակ են զակազ տալիս՝ գնում են Եռաբլուր, բայց չեն նայում, որ էդ ծնողը ծաղիկի փող չունի, որ գնա իր երեխու գերեզմանին»:
Կարդացեք նաև
Սասուն Միքայելյանի ելույթի մի հատված էլի ուղղված էր Կովալենկո Շահգալդյանին. «Իրենք գիտեն մեզնից լավ տղերք են, գիտեն մեզնից շատ բան են արել էս երկրի համար, որ էսօր իշխում են մեզ: Ոչինչ: Հիմա իրենք վերեւից մեզ հսկում են ու իրենց ցանկությւոնը գիտե՞ք որն ա, որ վերեւներին զեկուցեն, որ քիչ մարդ կար կանգնած: Ի՞նչ ունեք դուք կորցնելու, ինչ ունեք՝ հագած կանգնած եք, սկի շոր չունեք»:
Հռիփսիմե ՋԵԲԵՋՅԱՆ
