«Չելսին» Լոնդոնի «Բատերսի» ջերմաէլեկտրակայանի նախկին շենքը ակումբի համար տնային ստադիոնի վերածելու հայտ է ներկայացրել իշխանություններին:
Բայց խնդիրն այն է, որ Թեմզա գետի ափին գտնվող «Բատերսին» Անգլիայի մայրաքաղաքի պատմամշակութային արժեքներից է եւ դա կարող է խանգարող հանգամանք դառնալ: Այդուհանդերձ, ակումբի սեփականատեր, ռուս միլիարդատեր Ռոման Աբրամովիչը խոստանում է պահպանել կառույցի տեսքը որպես ստադիոնի արտաքին դիզայնի պարտադիր բաղադրիչ: Գործարքը կայանալու դեպքում «Չելսիի» նոր ստադիոնը կունենա 60 հազար նստելատեղ:
Լոնդոնյան ակումբի ներկայիս «Սթեմֆորդ Բրիջ» ստադիոնը կառուցվել է 1877 թվականին՝ որպես թեթեւաթլետիկական մարզակառույց եւ ֆուտբոլային ստադիոնի վերածվել 1905 թվականին:
Աշոտ ՀԱԿՈԲՅԱՆ
