Աշխատանքի եւ սոցիալական հարցերի նախարար Արթուր Գրիգորյանն այսօր լրագրողների հետ զրույցում ասաց, որ դեռ չգիտի՝ ինքը շարունակելո՞ւ է պաշտոնավարել նախարարի պաշտոնում. «Այս պահին որեւէ պատասխան չեմ կարող տալ, որովհետե մինչեւ չձեւավորվի համապատասխան կոալիցիա կամ չգիտեմ, ամսի 31-ից հետո կերեւա»:
Նույն պաշտոնում նշանակվելու խոստումնե՞ր ստացել է, թե՞ ոչ հարցին, նախարարը պատասխանեց՝ դեռ ոչ.«Որեւէ քննարկում, խոստում չի եղել, ես պատրաստ եմ աշխատելու, որովհետեւ բավականին շատ ծրագրեր ինձ մոտ սկսված են, շատ լավ կլինի, որ հասցնեմ ավարտել»:
Այսօր նախարարը կրծքանշանով չէր, հարցին, թե ինչո՞ւ չի կրում, պատասխանեց՝ «մոռացել եմ»:
Նա դժվարացավ պատասխանել, թե կուսակցությունն իր աշխատանքից գո՞հ է, թե՞ ոչ .«Եթե դժգոհեին, հաստատ կարտահայտվեին»:
Կարդացեք նաև
Պաշտոնը չկորցնելու համար ինչքանո՞վ է պարոն Գրիգորյանը պատրաստ դառնալ անկուսակցական կամ մեկ այլ ՝ օրինակ Հանրապետական կուսակցության շարքեր մտնելու, պարոն Գրիգորյանը վստահեցրեց, որ երբեք նման քայլի չի գնա, ապա հավելեց, որ պաշտոնը չշարունակելու դեպքում էլ ոչ մի դեպքում չի տխրի. «Եթե չպաշտոնավարեմ, չեմ տխրի, որովհետեւ ես կամ ոչ թե այդ պաշտոնով, այլ որպես Արթուր Գրիգորյան, կլինի՝ կաշխատեմ, չի լինի՝ շնորհակալություն, ցտեսություն… վերջ»:
Նրան գոհացրել են ընտրությունների արդյունքները, որովհետեւ , իր խոսքերով, ԲՀԿ-ն այս ընտրություններում կրկնապատկեց իր քվեները 2007-ի համեմատ:
Արփինե ՍԻՄՈՆՅԱՆ
