«Հակառակորդն ինտենսիվորեն պատրաստվում է»,- այսօր լրագրողների հետ հանդիպմանը հայտարարեց ռազմական փորձագետ Արծրուն Հովհաննիսյանը: Անդրադառնալով վերջին օրերին Ադրբեջանի կողմից դիվերսիոն գործողություններին՝ նա նշեց, որ դրանով Ադրբեջանը ստուգում էր մեր պատրաստվածությունը:
Դառնալով Ադրբեջանի կողմից տարածվող հայտարարություններին՝ փորձագետը հնարավոր համարեց, որ զոհերի թվի հետ կապված հայտարարությունը կապված էր նաև այն սցենարի հետ, որ Հիլարի Քլինթոնին ցույց տան, թե գործողությունների երկրորդ օրն իրենք զոհի դերում են, ցույց տան, որ հայերը հարձակումներ են անում և այլն: Պարոն Հովհաննիսյանը նշեց, որ տարբեր կողմերից իրենց հասած տեղեկությունների համաձայն՝ Ադրբեջանը 25 զոհ է ունեցել վերջին օրերին կատարված գործողությունների արդյունքում:
Aravot.am-ի հարցին՝ արդյոք հակառակորդը մեր թույլ կետը գտել է և ավելի հաճախադեպ են հարձակումները հենց այս ուղղությամբ, պարոն Հովհաննիսյանը պատասխանեց. «Այստեղ խնդիրը ոչ թե քաղաքական, կամ քաղաքագիտական է, այլ խնդիրը կապված է զինվորական հարցերի հետ»:
ՀՀ ԱԳՆ-ի դիրքորոշման առնչությամբ ռազմական փորձագետը նկատեց. «Դա քաղաքագիտական հարց է, սակայն այն, որ ՊՆ-ն միանշանակ իր ադեկվատ գործողություններն ակտիվացնում է, դա փաստ է»:
Կարդացեք նաև
Հասարակական հոգեբանության մասին խոսելով էլ նշեց. «Հասարակությունը շատ ավելի խորությամբ հասկանում է, որ պատերազմի մեջ ենք, չնայած ժամանակավոր հրադարարի»:
Տաթև ՀԱՐՈՒԹՅՈՒՆՅԱՆ