Մեդիամաքս: Պաշտոնական Փարիզը մտահոգված է հայ-ադրբեջանական սահմանին տեղի ունեցած վերջին միջադեպերի կապակցությամբ:
Ինչպես հաղորդում է Մեդիամաքս-ը, այսօր Ֆրանսիայի արտաքին գործերի նախարարությունը հանդես է եկել հայտարարությամբ, որում, մասնավորապես, ասվում է.
«Ֆրանսիան, հանդիսանալով ԵԱՀԿ Մինսկի խմբի համանախագահ երկիր, անհանգստացած է Հայաստանի եւ Ադրբեջանի միջեւ սահմանին վերջին օրերի ընթացքում տեղի ունեցած միջադեպերի կապակցությամբ: Կոչ ենք անում երկու կողմերին էլ խուսափել ուժի կիրառումից եւ խստորեն պահպանել 1994 թ. հաստատված հրադադարի ռեժիմը: Լեռնային Ղարաբաղի հիմնախնդիրը ռազմական լուծում չունի: Կողմերը պետք է հստակ հավատարմություն պահպանեն խնդրի խաղաղ կարգավորմանը` ՄԱԿ-ի Կանոնադրության, Հելսինկյան եզրափակիչ ակտի, ինչպես նաեւ ուժի չկիրառման, տարածքային ամբողջականության եւ ինքնորոշման իրավունքի հիման վրա»:
Կարդացեք նաև
Ֆրանսիայի ԱԳՆ նաեւ տեղեկացնում է, որ հունիսին Փարիզում նախատեսված է Հայաստանի եւ Ադրբեջանի ԱԳ նախարարների հանդիպումը ԵԱՀԿ ՄԽ համանախագահների հետ: