«K1» մարտարվեստի պրոֆեսիոնալ մարզիկ, Հոլանդիայում բնակվող Ռազ Սարգսյանն օրերս Տոկիոյում հանդես գալով 64 կգ քաշային կարգում, հաղթեց մարզաձեւի աշխարհի 2010 թվականի չեմպիոն Մասակի Նոյրիին: Հայ մարզիկը, որ հանդես է գալիս Հայաստանի դրոշի ներքո եւ ներկայացնում է Հայաստանի «K1» ֆեդերացիան, երկրորդ ռաունդում երկու անգամ նոկդաունի ենթարկեց Նոյրիին, երրորդում ինքը հայտնվեց նույն վիճակում, սակայն մրցավարների միաձայն որոշմամբ դարձավ հեղինակավոր այդ մրցաշարի հաղթող: Ընդ որում, աշխարհի ճանաչված մասնագետները հայ մարզիկին ճանաչեցին նաեւ մրցաշարի լավագույն մասնակից:
Այսօր Ռազ Սարգսյանը Երեւանում է: Նա հայրենիք է եկել «K1»-ի ճապոնական ու Եվրոպական տեխնիկան սեմինար մարզումների միջոցով հայաստանցի մարզիկներին փոխանցելու:
Աշոտ ՀԱԿՈԲՅԱՆ
