Սանկտ-Պետերբուրգի թեթեւ աթլետիկայի ֆեդերացիայի փոխնախագահ Վլադիմիր Կուլիկովը հայտարարել է, թե Լոնդոնի օլիմպիական խաղերի 4×400 կանաց փոխանցավազքում չեմպիոնի կոչումը նվաճած ԱՄՆ-ի քառյակի անդամներից մեկի դոպինգ ստուգումը դրական արդյունք է տվել եւ ներկայումս ՄՕԿ-ում քննարկվում է օլիմպիական ոսկին նրանցից վերցնելու եւ Ռուսաստանին հանձնելու հարցը: Սակայն Թեթեւ աթլետիկայի համառուսաստանյան ֆեդերացիայի ղեկավար Վալենտին Բալախնիչեւը չի հաստատել այդ լուրի իսկությունը՝ նշելով, որ այդպիսի տեղեկատվությունն առաջին հերթին հասնում է գլխավոր ֆեդերացիա եւ ինքն այդպիսի ինֆորմացիա չունի: «Կուլիկովը սխալ է վարվել՝ լրատվամիջոցներին չճգրտված նման ինֆորմացիա տրամադրելով»,- ասել է Բալախնիչեւը:
Աշոտ ՀԱԿՈԲՅԱՆ
