Մարզասեր հասարակությունը դեռ ամիսներ առաջ տեղյակ էր, որ Հռիփսիմե Խուրշուդյանը կյանքի ընկեր ունի եւ պատրաստվում է Լոնդոնի օլիմպիական խաղերի ավարտից հետո ամուսնանալ: Այսօր օլիմպիական խաղերի բրոնզե մեդալակիրն անձամբ հայտարարեց, որ իսկապես ամուսնանում է: «Ես կյանքի ընկեր ունեմ եւ մինչեւ տարեվերջ մենք ամուսնանալու ենք: Հարսանիքի օրը կորոշենք մոտ օրերս: Կամուսնանամ, իսկ մեկ տարի հետո կվերադառնամ մեծ սպորտ: Ծանրամարտը չեմ թողնի մինչեւ օլիմպիական ոսկի չնվաճեմ ու հայ ժողովրդին չերջանկացնեմ», – հայտարարեց մարզուհին: Հարցին, թե ապագա ամուսինն, արդյո՞ք, նպատակների իրականացմանը չի խանգարի, Հռիփսիմեն պատասխանեց. «Նախ, ես հայտարարությունն ինքնագլուխ չեմ անում: Այս մասին մենք խոսել ենք: Երկրորդ, նա էլ սպորտի ոլորտից է` ծանրորդ, ու մենք նույն կերպ ենք մտածում»:
Աշոտ ՀԱԿՈԲՅԱՆ
