12:03
Վահան Թումասյանի հաղորդածներից. Գյումրու Մուշ-2 թաղամասից Գյումրու ավագանու անդամության թեկնածուներից մեկը 1000-ական դրամ ընտրակաշառքով ընտրողներ հավաքագրում ու գազելով տեղափոխում քվեարկության, թեեւ էդ թեկնածուն 1000 դրամ էլ չարժե:
34-62 ընտրատեղամասում մի քաղաքացի կանգնել է տեղամասի կենտրոնում, զանգահարել է ինչ-որ մեկին, հարցրել, թե «ու՞մ ընտրեմ»: Ապա բարձրաձայն կրկնել է՝ «67 համարին»:
10:57
Կարդացեք նաև
Հասմիկ Տոնապետյանից. մի 10-15 րոպե առաջ ավտոմատավորները եկան Գյումրու «Անի» թաղամաս «կռուգ տվեցին» ու գնացին, չհասկացանք իմաստը որն էր, մոտ 20 ավտոմեքենա էին, ոնց որ հարսանիք լիներ՝ բարձր սիգնալներով…
10:52
Նիկոլ Մարգարյանից. հենց հիմա 34/10 ընտրատեղամասում (Գյումրի համայնքի թիվ 40 դպրոցի շենք /Ֆ. Վերֆելի 4/) թեկնածուներից մեկի մունետիկները շրջում են տնե տուն ու առաջարկում իրենց մեքենայով ընտրատեղամաս տանել, եթե իհարկե դեռ չունեն նախընտրած թեկնածու:
10:45
Գյումրիում Շիրակացի փողոցում նախկին 10 հարկանու մոտ նկատվել է ՊԱԶ մակնիշի 45 644 պետհամարանիշով ավտոբուս, որից ընտրակաշառք են բաժանել: Ընտրությունների վերահսկման քաղաքացիական խմբերից մեկը հետապնդել է այդ ավտոբուսը եւ Բուլվարային թաղամասի մոտ հաջողացրել է մտնել ավտոբուս, ավտոբուսի մեջ գտել են Գյումրու Ավագանու անդամության թեկնածու Մերուժան Գաբոյանի բուկլետները եւ ընտրողների ցուցակներ, ինչն առգրավել են, ավտոբուսավոր ժողովուրդը փախել է: Լուսանկարները կներկայացվեն ավելի ուշ:
10:20
34/34. Գյումրու Երկաթգծի քոլեջի տեղամասում ընտրողներից մեկը չի կամեցել, որ իր անձնագրում կնիք դրվի, վստահված անձինք չեն թույլ տվել, որ առանց դրոշմելու քվեաթերթիկներ տրամադրեն վերջինիս, ինչից հետո ընտրողը համաձայնել է իր անձնագրում դրոշմակնիք դնելուն, քվեարկել եւ հեռացել է: Այդ տեղամասի մոտ Ավագանու անդամության թեկնածուներից մեկի հայրը ուղղում է ընտրողներին իր որդու օգտին:
10:00
Սեպտեմբերի 9-ի առավոտնից Գյումրիում մոտ մեկ տասնյակ ՃՈ ավտոմեքենաներ եւ ոստիկանական այլ մեքենաներ սրընթաց երթեւեկում են այսուայն կողմ: տարբեր տեղեկությունների համաձայն այս մեքենաների առաքելությունը գազելներով ընտրողներին տեղափոխողների գործը խափանելն է:
Ահազանգ է ստացվել տեղամասերից այն մասին, որ անձնագրերում դրվող դրոշմակնիքների թանաքը ցնդում է, իսկ ԿԸՀ-ից հանձնարարել են սովորական թանաքով սկսել կնքել անձնագրերը:
34/74 ընտրատեղամասից (12 մանկապարտեզ, Լազոյի փողոց) ահազագներ կան, որ տեղամասի առաջ՝ 50 մետրից ավելի մոտ տարածքում խմբված ջահելությունը բոլոր մտնողներին կոչ է անում քվեարկել Ավագանու անդամության թեկնածուներից 18 համարի օգտին: Մի քանի վստահված անձինք առայժմ բանավոր բողոքով դիմել են հանձնաաժողովի նախագահին:
