Շիրակի մարզի դատախազ Դավիթ Սարգսյանը Aravot.am-ին տեղեկացրեց, որ այս պահին իրենց մոտ ուսումնասիրվում են մոտ 10 ահազանգեր, որոնք ստացել են տարբեր լրատվամիջոցների հրապարակումներից, կայքերի, տեղական հեռուստաընկերությունների տեսանյութերից և ոստիկանությունից: Դրանք վերաբերվում են ընտրակաշառք բաժանելուն, ինչպես նաև լրագրողի մասնագիտական գործունեությունը խոչընդոտելուն: Ահազանգ ստացել են թիվ 34/24 ընտրատեղամասային ընտրական հանձնաժողովի նախագահ Ռուզաննա Զիլվիլյանից, ով դիմել է դատախազություն ` բողոքելով , որ ինչ-որ մեկը փորձել է ընտրություն կատարել ուրիշի անձնագրով: Դատախազություն է դիմել նաև Գյումրու ժուռնալիստների «Ասպարեզ» ակումբը , քանի որ կայարանամերձ հրապարակում, թիվ 34/63 ընտրատեղամասում տեղի թաղայինների կողմից խոչընդոտվել է լրագրողներից մեկի մասնագիտական գործունեության իրականացումը:
Նունե ԱՐԵՎՇԱՏՅԱՆ
