Գեղեցկուհիներ կան, որոնց կարելի է բաժանել հայտարարության թերթիկներ՝ «Առաջարկել միայն մարզիկների» մակագրությամբ: Այդպիսիներին չեն հետաքրքրում արվեստագետները, ֆինանսիստները, հեղափոխականները, անգամ՝ նավթային մագնատները: Նրանց համար այլ արժեք են մկանուտ թենիսիստները, ճարպիկ ֆուտբոլիստները…
Լատինաամերիկացի մոդել Զաիրա Նարան հենց այդպիսի գեղեցկուհիների լավագույն օրինակն է: Նա ժամանակին հանդիպում էր ֆուտբոլի ճանաչված հարձակվող Դիեգո Ֆորլանի հետ եւ քիչ էր մնում ամուսնանար: Սակայն հարսանիքից երեք շաբաթ առաջ աստղերը խզեցին հարաբերությունները: Այդ ընթացքում գեղեցկուհին մի քանի անգամ անարդյունք փորձել է ընկերություն անել մի քանի բիզնեսմենների հետ: Հիմա նա ազատ է: Ուստի, հարավամերիկյան լրատվամիջոցները համաշխարհային սպորտի աստղերին կոչ են անում ժամանակ չկորցնել, այլապես նրանից կարող են առաջ ընկնել, ասենք, արգենտինացիներ Դավիթ Նալբանդյանը կամ Լիոնել Մեսսին:
Աշոտ ՀԱԿՈԲՅԱՆ
