Վնասվել է Շառլ Ազնավուրի հրապարակի նստարաններից մեկին տեղադրված Մհեր Մկրտչյանի արձանի ծունկը:
Ֆեյսբուքյան օգտատեր Լիանա Հակոբյանի անձնական էջում տեղադրած լուսանկարից երևում է, որ արձանի ծունկը ճաքել է:
Սա առաջին դեպքը չէ, երբ Մհեր Մկրտչյանի արձանը վնասվում է:
Շառլ Ազնավուրի հրապարակում սեպտեմբերի 20-ին տեղադրելուց երկու օր անց անհայտ անձինք կոտրեցին արձանի աջ ձեռքի բութ մատը, իսկ սեպտեմբերի 28-ի գիշերը կոտրեցին արձանի տակառիկը: Այդ դեպքից հետո արձանը վերականգնվեց և վերադարձվեց իր նախկին տեղը:
Հիշեցնենք, որ սիրված դերասանի արձանը Շառլ Ազնավուրի հրապարակում էր տեղադրվել «Մեր հանճարները մեր կողքին են» նախագծի շրջանակներում: Արձանների հեղինակն է քանդակագործ Սուրեն Մելքոնյանը:
