Եվրոպայի հայկական միությունների ֆորումի (ԵՀՄՖ) նախագահ Աշոտ Գրիգորյանի համոզմամբ` Հայաստանում ընդդիմությունը սպառել է էներգիան եւ նոր իմպուլսի կարիք ունեն: «ՀԱԿ-ը դեպի զրո է գնում, ժառանգությունը եւս թարմացման կարիք ունի: Ցավոք Դաշնակցությունը , որը հսկայական ուժ է սփյուռքում, Հայաստանում ոչ մի կերպ չի կարողանում տալ այն արդյունքները, ինչը կարելի էր տակ: Սփյուռքում շատ դժգոհ են, բացառիկ դժգոհությամբ են վերաբերում, որ անցած տարիներին Դաշնակցությունը տեղ-տեղ վարկաբեկվեց , տեղ-տեղ գնաց հոսանքին ոչ հակառակ: Բոլոր կուսակցություններն էլ այսօր լճացում են ապրել, բացի Բարգավաճ Հայաստանից: Վերընթացի համար ԲՀԿ-ն պարտական է հանրապետական կուսակցությանը»,- Aravot.am-ին ասաց պարոն Գրիգորյանը:
Նրա խոսքերով.«Հանրապետական կուսակցության անտեղի հարձակումները Բարգավաճ Հայաստանին միավորեցին Օսկանյանի շուրջ: Գագիկ Ծառուկյանը, որ անընդհատ տատանումների մեջ էր, կարծես թե, նույնպես կարծրացավ, եւ կուսակցությունը կոնսոլիդացվեց ու քաղաքական դեմք ձեռք բերեց»:
Պարոն Գրիգորյանը թերահավատորեն է մոտենում այն խոսակցություններին, թե ՀՀԿ-ն` ի դեմս Վարդան Օսկանյանի ընդդիմադիր ֆիգուր է ստեղծում.«Հայ ժողովուրդը աչքի է ընկնում բացառիկ ֆանտազիայով… դա բացարձակ հեքիաթի է նման: ՀՀԿ-ի ու ԲՀԿ-ի միջեւ գնալով ուժեղանում է ատելությունը եւ դրա արդյունքում ոչ մի լավ բան չենք սպասում »:
Արփինե ՍԻՄՈՆՅԱՆ
Կարդացեք նաև
