Հայաստանցին օտարերկրյա քաղաքացիներին ներգաղթի անօրինական փաստաթղթեր տրամադրելու համար տուգանվել է 35 000 ռուբլիով: Նա արդեն վերադարձել է հայրենիք: Հայտնում է «Բե Կա 55» լրատվական գործակալությունը:
Oմսկի երրամասի Նովովարշավսկի շրջանային դատարանը քրեական գործի հիման 50-ամյա Հայաստանի քաղաքացի Գրիգորյանի նկատմամբ վճիռ է կայացրել: Նա մեղավոր է ճանաչվել անօրինական ներգաղթ կազմակերպելու և պաշտոնական անձանց կաշառք տալու համար:
Գրիգորյանը գումարի դիմաց կազմակերպում էր օտարերկրացիների, որոնց միգրացիոն քարտի ժամկետը լրացել էր, Ռուսաստանի տարածքում անօրինական կեցությունը:
Մասնավորապես, 2010թ. հունվարին Գրիգորյանը դիմել է սահմանային ծառայության աշխատակցին` որոշակի գումարի դիմաց Ուզբեսկտանի քաղաքացու անձնագրում կնիք դնելու համար: Փաստացի օտարերկրացիները Ռուսաստանի սահմանը չէին անցել, գտնվում էին Օմսկ երկրամասում, որտեղ ապօրինի աշխատում էին, հայտնել են դատախազության մամուլի ծառայությունից:
Գրիգորյանը այժմ գտնվում է Հայաստանում:
Պատրաստեց Հովհաննես ԻՇԽԱՆՅԱՆԸ
