Տեղեկացրել ենք, որ Իջեւանի քաղաքային զբոսայգում ավերվել է խորհրդային տարիներին Իջեւանում անցկացված քանդակի միջազգային սիմպոզիումի քանդակներից մեկը: Ոստիկանության Տավուշի մարզային վարչության պետ Արշավիր Գեւորգյանը ոստիկաններին հրահանգել էր հնարավորինս արագ բացահայտել հանցագործությունը: Ձեռնարկված միջոցառումների արդյունքում պարզվել է, որ հանցագործությունը կատարել է Իջեւան քաղաքի բնակիչ,1960թ. ծնված Մարտուն Ղալումյանը: Նա հաշվառված է որպես հոգեկան հիվանդ:
Վերջինս ոստիկաններին ասել է, որ քանդակը գլխատել է, որովհետեւ քանդակված մարդու գլուխը բարձր է եղել նույն արձանի ուսին քանդակված եկեղեցուց: Մարտուն Ղալումյանը խոստովանել է, որ ինքը նախկինում էլ զբոսայգում քանդակներ է ջարդել:
Ոսկան ՍԱՐԳՍՅԱՆ
Կարդացեք նաև
