«Քարոզարշավի ընթացքում ասելու եմ այն, ինչ միգուցե գիտեն կամ չգիտեն, հետևաբար ես ինձ բավականին ազատ եմ զգում այդ իմաստով և համարում եմ նաև իմ առաքելությունը», – այսօր այս մասին «Peoplemeter» մամուլի ակումբում ասաց նախագահի թեկնածու Արամ Հարությունյանը:
Թեկնածուն անդրադառնալով իր հայտարարությանը կապված ինքնաբացարկի հետ, ասաց. «Թող չասեն, թե Հարությունյանը իր խոսքի տերը չի: Ես ասել եմ, որ իմ թեկնածությունը հանելու եմ ընտրություններից 10 օր առաջ: Եթե ընտրությունները հետաձգվեն երկու շաբաթով, ապա օրը կնշանակվի և դրանից 10 օր առաջ ես կհանեմ իմ թեկնածությունը»:
Ըստ Հարությունյանի՝ նախագահի թեկնածու Պարույր Հայրիկյանի հետ պատահածը դեմ էր պետությանը` ձեռնտու իշխանությանը. «Օգտվում են իշխանությունները, կորցնում է պետությունը», – ասում է նա:
Պրն. Հարությունյանը Հայրիկյանի հետ կատարվածի մեջ մեղավորներ չի տեսնում մնացյալ թեկնածուների շրջանակում, ինչպես նաև, սխալ է համարում մեղադրանքներ հնչեցնելը արտաքին ուժերի նկատմամբ: Նա գտնում է, որ Հայաստանն այսօր մեղավոր փնտրելով արտաքին դաշտում, մասնավորեցնելով` Ռուսաստանը, ապա կարող է մեծ խնդիրների առջև կանգնել: Այդ դեպքում, ովքե ՞ր էին շահագրգիռ խաղաղ քարոզարշավը խաթարելու համար, պրն. Հարությունյանը հստակ պատասխան չտվեց:
Կարդացեք նաև
Նա գտնում է, որ Հայրիկյանի և ոչ թե այլ թեկնածուի վրա կատարված մահափորձը պայմանավորված է նրանով, որ ծանոթ էին նրա կենսագրությանը. «Հայրիկյանը ամենաընդդիմադիրը չէր, բայց, եթե ուրիշ թեկնածուի վրա էին կանգնում, ապա մինչև այդ կենսագրությունը պետք է պատմեին, իսկ Հայրիկյանը հայտնի մարդ էր»,-ասաց Արամ Հարությունյանը:
Քրիստինա ՄԻՐԶՈՅԱՆ
