Նախագահի թեկնածուները , եթե ունեն դժգոհություն, թող իրենց համակիրների հետ գնան Հանրապետության հրապարակ կամ Մյասնիկյանի արձանի, Մատենադարանի մոտ ու հանրահավաք անեն, այդ ժամանակ կտեսնենք, թե ով որքան համակիր ունի: Թե չէ միայն գրպանում փող ունենալով նախագահ չեն դառնում»,- «Ա1+»-ի հետ զրույցում նկատեց «Ֆորում» Իրավունքի կենտրոնի ղեկավար Տիգրան Տեր-Եսայանը:
Նա համարում է, որ չի կարելի ընտրություններից դեռ ամիսներ, օրեր առաջ հայտարարել, որ դրանք կեղծվելու են, մանավանդ այն պարագայում, երբ Հայաստանն ունի լուրջ խնդիր` ԼՂ հիմնախնդիրը, փախստականների, Ղարաբաղի վերաբնակեցման հարցը, ի վերջո Հայաստանի բնակչության կենսամակարդակն ապահովելու խնդիր, վհուկների որսի կարիք չկա:
Ընդ որում, ըստ պարոն Տեր-Եսայանի, վհուկների որս անում է ոչ միայն իշխանությունը, այլեւ ընդդիմությունը: Պարոն Տեր-Եսայանը համարում է, որ մեր հասարակությունը հերոս է, որ կարողանում է գոյատեւել 3.5-4 մլրդ դոլար բյուջեով, այն դեպքում, երբ անհրաժեշտ է առնվազն՝ 8-10 մլրդ դոլարանոց բյուջե:
Եվ երբ փորձ է արվում զուգահեռներ տանել եվրոպական երկրների հետ, թող նախ սկսեն բյուջեների համեմատությունից:
Ինչ վերաբերում է ընտրություններին, ապա պարոն Տեր-Եսայանը նկատում է, որ ոչ ոք մեղավոր չէ, որ առանցքային կուսակցությունները թեկնածու չեն առաջադրել, բայց չի կարելի այդքան բացասական բնութագրումներով հանդես գալ:
Կարդացեք նաև
Մանրամասները կարդացեք այստեղ:
