Կապել-լե-Գրանդում ավարտվեց շախմատի միջազգային 29-րդ փառատոնը:
Հաղթողի եւ մրցանակակիրների կոչմանը հավակնող Հայաստանի եւ այլ երկրների դրոշի ներքո հանդես եկող հայազգի շախմատիստների հույսերը չիրականացան միայն եզրափակիչ տուրի ավարտից հետո: Հայազգի շախմատիստներից լավագույն արդյունքը ցույց տվեց ֆրանսահայ գրոսմայստեր Տիգրան Ղարամյանը, որը 6,5 միավորով պայքարն ավարտեց 9-րդ հորիզոնականում:
Մեր հանրապետության ներկայացուցիչներից առավել հաջող հանդես եկան Սամվել Տեր-Սահակյանը եւ Կարեն Գրիգորյանը, որոնք նույնպես 6,5-ական միավորով ամփոփիչ մրցաշարային աղյուսակում հանգրվանեցին, համապատասխանաբար, 13-րդ եւ 16-րդ հորիզոնականներում:
Հայաստանի շախմատիստներից կարելի է առանձնացնել նաեւ 6,0-ական միավոր վաստակած Էլինա Դանիելյանին՝ 30-րդ տեղ, Հովհաննես Գաբուզյանին՝ 42-րդ եւ Եվգենյա Դոլուխանովային՝ 71-րդ:
Աշոտ ՀԱԿՈԲՅԱՆ