Ազատության հրապարակում ժամը 13:30-14:30-ի սահմաններում հավաքված էին մի քանի տասնյակ մարդիկ, ովքեր բուռն քննարկում էին Րաֆֆի Հովհաննիսյանի որոշումը: Հերթով մոտենում էին պարոն Հովհաննիսյանին, մի կին էլ մոտենալով նրան ասաց. «Րաֆֆի ջան, մենք չարժենք, որ դու մեզ համար անձնազոհության գնաս»:
«Առավոտ»-ը հավաքվածներից հետաքրքրվեց, թե ի՞նչ են կարծում, արդյոք հացադուլով պարոն Հովհաննիսյանը կհասնի՞ իր նպատակին. «Կարծում եմ անիմաստ է, աթոռը գողացողի համար այս քայլը նշանակություն չի ունենա»,-նշեց Աշոտ պապիկը, որն ակտիվորեն հետևում է հետընտրական իրադարձություններին և հաճախ է լինում Ազատության հրապարակում:
Շատերը կարծում էին, որ հացադուլը պիտի համախմբի ժողովրդին ավելի մեծ քանակով, և հասկանալով իր զորությունը, ժողովուրդը պիտի տեր կանգնի իր ընտրությանը: «Ս. Սարգսյանը ամոթ չունի, էդքան կերավ, էլի չի կշտանում, 20 տարի երկիրը քանդեցին»,- կարծում է տիկին Ալվարդը, ով նույնիսկ պատրաստ է Րաֆֆիի հետ միասին հացադուլ անելուն:
Ժամը 14:00-ի սահմաններում Րաֆֆի Հովհաննիսյանին այցելեց Վարդան Օսկանյանը, ում հետ Րաֆֆին զրուցեց ստեղծված իրավիճակի մասին: Րաֆֆի Հովհաննիսյանը չմեկնաբանեց զրույցը՝ ասելով. «Եթե պարոն Օսկանյանը ցանկանա մեկնաբանություններ անել զրույցի վերաբերյալ, ես միայն ուրախ կլինեմ, բայց հարգելով զրուցակցիս ցանկությունը մեկնաբանել չեմ կարող»:
Կարդացեք նաև
Զրույցից հետո Վարդան Օսկանյանը իրավապահ մարմիններին իր վրդովմունքը հայտնեց այն մասին, որ իրենք խոշոր պլանով նկարում էին պատգամավորի դեմքը զրույցի ամբողջ ընթացքում: Ի պատասխան ոստիկանները նշեցին, որ իրենք ունեն այդ իրավունքը:
Մարինե ՂԱԶԱՐՅԱՆ
Լավ կլինի որ ոստիկանները մտածեն իրենց պարտականությունների մասին ոչ թե իրավունքների: Գագիկ Ծառուկյանը հրաշալի անձնավորություն է, անձամբ գիտեմ Իսկ Վարդան Օսկանյանը շատ լավ քաղաքական գործիչ: Ես ողջունում եմ այս հանդիպումը եվ հորդորում շարունակել:
Վարդան Օսկանյանը երևի մոռացել է իրենց արածները 5 տարի առաջ, օրը ցերեկով, կամ մթության քողի տակ 10 մարդ գնդակահարվեցին Երևանի կենտրոնում, էսօր դուրը չի գալիս???, ոստիկանը նկարում է ?…….կյանքը ԲՈՒՄԵՐԱՆԳ Է