Ոստիկաններին հաջողվեց տատին արագ հեռացնել տարածքից
Այսօր Ազատության հրապարակում դեռ չէր ավարտվել միջադեպը՝ վրանի տեղադրման շուրջ, Ազատության հրապարակ ժամանեց ՀՀԿ-ի հայտնի Հայաստան տատիկը՝ ՀՀԿ-ի «Ապահով Հայաստանի» շարֆով եւ հայտնի բղավոցներով. «Ընտրվել է Սերժ Ազատի Սարգսյանը, մեր նախագահն է Սերժ Ազատի Սարգսյանը» եւ այլն:
Մինչ ոստիկանները համոզում էին նրան, որ վտանգավոր է այստեղ՝ օպերայում իր գտնվելը, վրա հասավ մի կին՝ Մարիամ անունով: Նա Հյուսիսային պողոտայի իրացման գոտու տուժած բնակիչներից է, որը մինչ օրս ցույցեր է անում կառավարության շենքի դիմաց: Նա արցունքակալած աչքերով մոտեցավ ՀՀԿ- շահերի պաշտպանին եւ ուզում էր բռնել նրա մազերից ու իր խոսքերով՝ վիզը պոկել, մորթել: Սակայն ոստիկանները թույլ չտվեցին: Կինը սկսեց բղավել ու հարձակվել, որ կտոր-կտոր անի ՀՀԿ-ի տատիկին. «Թողեք, էդ …-ին պիտի մորթեմ, պիտի սպանե՜մ: Սերժը իմ տունը կործանեց, երեխեքիս գցեց պատերի տակ: Հիմա իմ տղերքը գեներալնե՜ր կլինեին»:
Ի վերջո Դավիթ Սանասարյանին եւ Ստյոպա Սաֆարյանին մի կերպ հաջողվեց հանգստացնել կնոջը եւ տարածքից հեռացնել:
Կարդացեք նաև
Ոստիկաններն էլ տատիկին տարան:
Հռիփսիմե ՋԵԲԵՋՅԱՆ
Երևում է իշխանությունները ոչ մի կերպ չեն հրաժարվում փորձված մեթոդից` ուշադրությունը շեղել տարաբնույթ սադրանքների միջոցով: Տեսնես` չգիտեն, որ էդ մեկը արդեն հասցրեցինք անգիր անել: Մաշտոցի պուրակում դրա ” մաստեր-կլասներ” էին տալիս մեր ուժային “կառույցները”: Ուրիշ ժամանակ հաքն իր թևով, օձն իր պորտով չի սողոսկում հանրապետականների հավաքներին….սա ոնց մեր ոստիկանները աչքաթող արին …
այս տատիկը, կարծես, հոգս չունի, հավերժ սադրանքներ է անում… Բացրամյան 26-ի տարածքը երբեմն փոխում է այլ տարածքներով…
Ժողովուրդն ասում է` նմանը նմանին կգտնի: Այս ասույթին հավատարիմ` ՀՀ իշխանությունն ուզուրպացրած ՀՀԿ-ը իր նման մեկին գտել, տվյալ դեպքում`հայտնի տատիկին, ու ուղարկում է հանրահվաքներում սադրանքներ անելու, քանի որ այլ բանի ընդունակ չեն, քանի որ այդ այլ բանը բարոյականություն ու թասիբ ունեցողներին է հատուկ: