Թբիլիսիում ավարտված Եվրոպայի առաջնությունում Հայաստանի հունահռոմեական ըմբշամարտի ազգային հավաքականը, ինչպես մեր ազատ ոճայինները, թիմային հաշվարկով 36 երկրների պայքարում գրավեց 6-րդ տեղը:
Հավաքականի գլխավոր մարզիչ Լեւոն Ջուլֆալակյանը Վրաստանի մայրաքաղաք տարել էր, իր իսկ խոսքերով, կիսով չափ փորձնական կազմ: Այդուհանդերձ, մեր յոթ մասնակիցներից երեքը ընդհանուր առմամբ նվաճեցին մեկ ոսկե՝ Լոնդոնի օլիմպիական խաղերի բրոնզե մրցանակակիր Արթուր Ալեքսանյան (96 լգ), երկու բրոնզե՝ Արթուր Շահինյան՝ (84 կգ) եւ Վաչիկ Եղիազարյան (120 կգ) եւ մեր հավաքականը թիմային հաշվարկով գրավեց վեցերորդ տեղը: Իսկ հաղթող դարձավ Ռուսաստանը:
Աշոտ ՀԱԿՈԲՅԱՆ
