Նա զգուշացնում է սեւանցիներին, որ վաղը չհամարձակվեն գնալ Րաֆֆի Հովհաննիսյանի հետ հանդիպմանը:
Վաղը ժամը 14.00-ին նախատեսված է Սեւանում Րաֆֆի Հովհաննիսյանի հանդիպումը՝ բնակիչների հետ:
Քիչ առաջ սեւանցիներն ահազանգել են «Ժառանգությանը», որ Սեւանի քաղաքապետը այնտեղի ոստիկանության աշխատակիցների հետ տնետուն ընկած մեկ առ մեկ բնակիչներին զգուշացնում եւ «հաթաթա» տալիս, որ այդ հանդիպմանը չհամարձակվեն գնալ:
Այս մասին Aravot.am-ի հետ զրույցում «Ժառանգության» պատգամավոր Զարուհի Փոստանջյանն ասաց, որ բնակիչներն ահազանգել են, որ Սեւանի քաղաքապետը հատկապես խիստ զգուշացրել է այն տարածքի բնակիչներին, որտեղ նախատեսված է հանդիպումն անցկացնել, որ չհամարձակվեն հոսանք տրամադրել, որտեղից կարող են միացնել Րաֆֆի Հովհաննիսյանի խոսափողը: Ավելին՝ տիկին Փոստանջյանի խոսքերով. «Այն մարդկանց, որոնք կապեր ունեն Սեւանի քաղաքապետարանի հետ, պետական աշխատողներ են կամ այդպիսի ազգականներ ունեն, նրանց բոլորին զգուշացրել են, որ հանկարծ չգնան վաղը Րաֆֆի Հովհաննիսյանի հետ հանդիպման: Ընդ որում, ոստիկանությունը քաղաքապետարանի աշխատողների հետ համատեղ քաղաքապետի հրամանն է կատարում»:
Կարդացեք նաև
Հիշեցնենք, որ Սեւանում Րաֆֆի Հովհաննիսյանի վերջին հավաքից հետո Սեւանի քաղաքապետը զրպարտության հոդվածով մեղադրանք է ներկայացրել բնակիչներից մեկի նկատմամբ, ով քննադատել էր իրեն ընտրակեղծարարության մեջ:
Հռիփսիմե ՋԵԲԵՋՅԱՆ
Այդ քաղաքապետը մոռացել է, որ արգելված պտուղը քաղցր է… ))) Հիմա կարծում եմ, ընդհակառակը, ավելի շատ մարդ կգնա; Շնորհակալություն ասենք քաղաքապետին Ժառանգության հետ համագործակցության համար… )))
Կարծում եմ իրենք էլ լավ գիտեն, որ մարդ քիչ է լինելու: Իսկ էսպես գոնե դրա մեղքը քաղաքապետի վրա կգցեն, համ էլ խոսալու թեմա կլինի… Երևի Զառան իր մի հեռախոսից “ահազանգել” է իր մյուս հեռախոսին, հետո էլ այդ լուրից “բարկացած” կիսվել է լրագրողների հետ..)))))))
Շատ կցանկանյի որ շատ մարդ գնար ու վախը կոտրած տեր կանգնեին իրենց իրավունքներին… Թե չէ սենց էլ չենք հասցնի ապրել քաղաքակիրթ երկրում…
ոնց որ են կոռեայի բռնապետը մեռավ ասին ով լաց չլինի կպատժվի նույն բռնապետական երկիրն է տարբերությունը մենք աղքատ ենք