Շախմատի աշխարհի գործող չեմպիոն Վիշվանաթան Անանդը DNA գործակալությանը տված հարցազրույցում ասել է, թե իրեն չի հետաքրքրում այն, որ հավակնորդ Մագնուս Կարլսենին իր հետ պայքարին կարող է նախապատրաստել Գարրի Կասպարովը: «Ինձ համար կարեւոր է, որպեսզի մինչ այդ մասնակցեմ մի քանի մրցաշարի եւ իմ խաղամակարդակով հասնեմ լավագույն մարզավիճակի», – հայտարարել է հնդիկ գրոսմայստերը:
Հարցին, թե գո՞հ է, արդյոք, որ թագի համար պայքարում իր մրցակից դարձավ Կարլսենը, այլ ոչ թե Լեւոն Արոնյանը, Անանդը պատասխանել է. «Նրանք երկուսն էլ մեծ տաղանդներ են եւ ես նրանցից ոչ մեկին չեմ գերադասում»:
Աշոտ ՀԱԿՈԲՅԱՆ
