Մադրասի ամենահայտնի կամուրջներից մեկը՝ Մարմալոնգը, կառուցել է հայազգի մեծահարուստ Խոջա Պետրոս Ոսկանը, որը Մադրաս է գնացել 1724թ.: Գրում է «Հինդու» թերթը՝ Մադրասի կամուրջների մասին հոդվածում:
Մարմալոնգը կառուցվել է 1726թ., Պետրոս Ոսկանի անձնական գումարով և անվանվել է Ադիար գետի մոտի Մամբալամ գյուղի պատվին: Մինչև հիմա պահպանվել է կամուրջի հուշատախտակը, որը տեղեկություն է տալիս Պետրոս Ոսկանի մասին: Հուշատախտակը գրված է երեք լեզուներով՝ հայերեն, պարսկերեն և լատիներեն:
Պետրոս Ոսկանը առևտրական էր և Մադրասի հայ համայնքի ղեկավարը: Նա Ֆիլիպիններից էր տեղափոխվել Հնդկաստան և մահացել այնտեղ 1751թ.:
Պատրաստեց Հովհաննես ԻՇԽԱՆՅԱՆԸ
