Այսօր Ավանում ՀԱԿ-ի համայնքային հանդիպմանը ներկա էր նաեւ ավագանու թեկնածու Վլադիմիր Կարապետյանը:
Նա հավաքվածներին նախ հարցրեց. «Իրականում գիտե՞նք, ով է մեր ավագանին: Էդ 65 հոգին ովքե՞ր են: Մենք չգիտենք, որովհետեւ նրանք հրապարակային չեն գործում, չեն ասում՝ ինչով են զբաղվում: Մայիսի հինգից վիճակը փոխվելու է: Մենք, լինելով ձեր կողմից ընտրված, հաշվետու ենք լինելու առաջին հերթին ձեզ»:
Մինչ Վ. Կարապետյանը նախընտրական խոստումներն էր ներկայացնում, բնակիչներից մեկը իր դժգոհությունն էր հայտնում քաղաքապետի թեկնածու Վահագն Խաչատրյանին. «Այ մարդ, ամենքդ մի յան եք քաշում: Ինչի՞ չեք միավորվում: Ինչի՞ «Ժառանգությանը» չեք միանում»:
«Միացած ենք, գնում ենք միասին, իրար չենք քննադատում, ընտրություններից հետո միանալու ենք»,- խոստացավ պարոն Խաչատրյանը:
Կարդացեք նաև
Նույն բնակիչն էլ շարունակեց. «Երբ նախագահական ընտրությունները պրծան, դաշնակցական Ռուստամյանը գնաց Րաֆֆու կողքին կանգնեց, բա ինչի՞ ընտրություններից առաջ չէր կանգնում»:
«Խնդիր չի եղել, կարեւորը օգնել է, կարեւորը բոլորս կարողացանք հասնել նրան, որ Րաֆֆին իր ձայները ստացավ»,- պատասխանեց պարոն Խաչատրյանը:
Զրույցին խառնվեց ԱԺ ՀԱԿ խմբակցության քարտուղար Արամ Մանուկյանը. «Սենց չեղավ» եւ հորդորեց զրույցը դադարեցնել:
Մանրամասները տեսանյութում
Արփինե ՍԻՄՈՆՅԱՆ
Խի չեղավ, տրամաբանական հարց է տալիս, կարող եք հիմնավոր պատասխան տվեք, այլ ոչ ԲՀԿ-ական ոճի….
Արտակ, հիմնավոր պատասխա՞ն եք ուզում։ Խնդրեմ։ Եթե խնայելով մինչև հիմա իրերն իրենց անունով չենք կոչում, միայն որովհետև խնայում ենք Ժառանգությանը և հատկապես այն մի քանի հոգուն, որ դեռևս մնացել են նրանց կողքին։ Ժառանգությունն իր յուրաքանչյուր քայլով միայն ապացուցել է իշխանական պռոյեկտ լինելը։ Նրան միանալը նույնն է, ինչ ՀՀԿ-ին միանալը։ Ամբողջ ընդդիմադիր դաշտը փոշիացնելուն, ժողովրդի մեջ պայքարի ոգին մեռցնելուն ուղղված կլունադային ո՞վ կարող է միանալ. հլա որ դրանից միայն հեռանում են։