ՌԱՀՀԿ փորձագետ Էդգար Վարդանյանը «Առավոտ»-ի հետ զրույցում անդրդառնալով Երեւանի ավագանու ընտրություններին՝ նկատեց․ «Քվեաթերթիկում չեմ տեսել մի դաշինք, որի հապավումը լիներ՝ ԹԽՄ, բայց փաստորեն, ոչ ֆորմալ այդ չգրանցված դաշինքն էր աշխատում՝ «Թաղային խուժանների միությունը»: Այդ դաշինքը ցուցակում չկար, բայց կարելի է համոզված ասել, որ այդ «Թաղային խուժանների միություն» ոչ ֆորմալ դաշինքը աշխատեց իշխանության օգտին: Այս ընտրությունները եւս մեկ անգամ ցույց տվեցին, որ իշխանություն-պետություն սերտաճում գոյություն ունի եւ ընդդիմադիր կուսակցությունները իրականում մրցում են ոչ թե ՀՀԿ-ի հետ, այլ՝ ավտորիտար պետության հետ, որի հիմնական հենքը՝ «Թաղային խուժանների միությունն» է, կոռումպացված չինովնիկները, հարմարվող հասարակության մի մասը»:
Էդգար Վարդանյանի կարծիքով ընդդիմադիր կուսակցությունները սովորական քարոզարշավ իրականացրեցին, իհարկե այս անգամ ավելի կոշտ հռետորաբանությամբ, ընդդիմադիր ուժերը ավելի ակտիվ էին, քան սովորաբար լինում էր ավագանու ընտրություններում: «Համաշխարհային փորձը, սակայն, ցույց է տալիս, որ երբ երկրներում իշխանություն-պետություն սերտաճում գոյություն ունի՝ ընտրություններ կոչվող միջոցառման ժամանակ քաղաքական ուժերը չեն կարող հաղթել պարզապես մրցակցային քարոզարշավ իրականացնելով: Իշխանություն-պետություն սերտաճումը ենթադրում է ոչ մրցակցային պայմաններ, իսկ դա նշանակում է, որ ամբողջ պետությունն է քո դեմ հանդես գալիս: Այդ պայմաններում առանձին կուսակցությունները չեն կարող հաղթել: Կարծում եմ, ընտրական գործընթացները պետք է դիտարկել հենց այս պրիզմայով», նշեց քաղաքագետը:
Էմմա ԳԱԲՐԻԵԼՅԱՆ
Կարդացեք նաև
ՌԱՀՀԿ փորձագետ Էդգար Վարդանյանի հետ հարցազրույցն ամբողջությամբ կարող եք կարդալ վաղվա տպագիր «Առավոտ»-ում:
Քուչի տղեքի բաց դիմում ԱԺ-ին՝
Էս ինչ օրենք ա որ մեր նման հարգված «քաղքի» տղեքին «Քուչի» տղա «խուժան» են ասում:
Պատասխան՝
Աչքիս վըրա, քեռի Քուչի,
Մի «քաղաք» ա, հո մեծ բան չի
Ձեր թանկագին խաթեր համար
…
Քուչի տղեքի բաց դիմումը Ազգային Ժողովին՝
Էս ինչ օրենք ա որ մեր նման հարգված «քաղքի» տղեքին
ընտրությունների ժամանակ ՀՀԿ-ին պաշտպանելու համար
«խուժան» կամ «քուչի» են անվանում:
Առաջարկում ենք օրենքով պարտադրեք որ մեր մասին խոսելիս՝
ընտրակաշառք բաժանելու կամ լցոնումներ անելու մասին հոդվածներում «քաղքի» տղա գրեն:
Ազգային Ժողովի պատասխանը՝
Աչքիս վըրա, քեռի Քուչի,
Մի «քաղաք» ա, հո մեծ բան չի
Քո թանկագին խաթեր համար
«Քաղքի» գրեմ արի’ առ’ տար’: