Արդեն երրորդ օրը Ազատության հրապարակում նստացույցի դուրս եկած ազատամարտիկները այսօր բողոքի երթով կառավարության շենքի դիմաց հավաքվեցին:
«Ազատամարտիկը իրավունք ունի իր գլուխը բարձր քայլել իր հայրենիքում ,հայ ազատամարտիկը իրավունք ունի հպարտանալու իր ընտանիքում, որ ինքը ազատագրել է հայոց աշխարհի մի մասը: Ոչ թե ամաչի, գլուխը կախ, գրպանը դատարկ, ցավերը վրեն քայլի ու գա այս շենքի դեմ ողորմություն խնդրի : Պահանջում ենք կառավարությունից կատարել իրենց ուղիղ պարտականությունը , ապահովել իրենց երկիրը ազատագրողներին բարեկեցիկ կյանքով: Հայ ազատամարտիկը իրավունք ունի անվճար բուժսպասարկման, հայ ազատամարտիկը իրավունք ունի չհանդիպելու կաշառակեր չինովնիկներին»,- կառավարության դիմաց իրենց պահանջները ներկայացնելուց հետո ազատամարտիկները սկսեցին վանկարկել` պա-տաս-խան:
«Ազատամարտիկների պատիվը չի եզրափակվում Եռաբլուրում ծաղկեպսակ դնելով: Հայ ազատամարտիկների ընտանիքները իրավունք ունեն հարգանքով ապրեն իրենց երկրում»,- շարունակեց մյուս ազատամարտիկը:
Հավաքվածներին էր միացել նաեւ ,«Կարին» պարի համույթի հիմնադիր, ազատամարտիկ Գագիկ Գինոսյանը. «Քչերը կան այստեղ, որ հացի խնդիր բարձրացնելու համար են եկել, իհարկե, շատերը ունեն հացի խնդիր, բայց շարժման հիմքում ընկած է արժանապատվությունը»:
Կարդացեք նաև
Ցուցարար-ազատամարտիկները թեեւ պահանջում էին կառավարությունում ընդունելություն, բայց նրանց ընդունեց կառավարության
դիմումների քննարկման վարչության պետ Ալեքսանդր Ղազարյանը: Վարչապետի անունից ազատամարտիկ Վոլոդյա Ավետիսյանին փոխանցեց՝ վաղը 3-4 հոգու ընդունելու առաջարկի մասին: Սկզբում ազատամարտիկները բոյկոտեցին` հիմա պնդելով, բայց քիչ անց ընդունեցին առաջարկությունը եւ վերադարձան կրկին Ազատության հրապարակ:
Բողոք-ակցիայից հետո ազատամարտիկներից մեկը վիճեց Ա. Ղազարյանի հետ:
Մանրամասները` տեսանյութում
Արփինե ՍԻՄՈՆՅԱՆ
