Այս օրերին Հայաստանի ազատ ըմբշամարտի հավաքականը ուսումնամարզական հավաք է անցկացնում Ծաղկաձորում:
Գլխավոր մարզիչ Ավետիք Վարդանյանի ղեկավարությամբ հավաքի հրավիրված 24 ըմբիշներ նախապատրաստվում են հուլիսի 4-ից 8-ը Մակեդոնիայում կայանալիք այս տարիքային խմբի Եվրոպայի առաջնությանը, որին Հայաստանը մասնակցելու է ամբողջական կազմով` ութ հոգի:
Մեր 15 երիտասարդ ըմբիշներ վերջերս են վերադարձել Բելառուսից, որտեղ մայիսի վերջին մասնակցել են օլիմպիական խաղերի արծաթե մեդալակիր, աշխարհի ու Եվրոպայի չեմպիոն Ալեքսանդր Սմալի միջազգային մրցաշարին: Բելառուսի, Ուկրաինայի, Մոսկվայի եւ Օսեթիայի ներկայացուցիչների հետ պայքարում մեր տղաների մեջ նաեւ մրցանակային տեղեր զբաղեցնողներ են եղել: Գնահատելով մասնակցության արդյունքները` Ավետիք Վարդանյանն Aravot.am-ին ասաց, որ այդ մրցաշարը, թեեւ միջազգային էր, սակայն միջին կարգ ուներ եւ դրան մասնակցելը ավելի շատ նպատակահարմար էր մեր երիտասարդ ըմբիշների` մրցափորձ ձեռք բերելու առումով: Առավել եւս, որ հավաքականն այս տարի մոտ 90 տոկոսով համալրվել է պատանեկան տարիքից դուրս եկած մարզիկներով:
Աշուտ ՀԱԿՈԲՅԱՆ
Կարդացեք նաև
