Այսօր Վանաձորի քաղաքապետարանը` ի դեմս համայնքի ավագանիների, օգտագործման իրավունքով բնակարան է նվիրել ՊՆ Վազգեն Սարգսյանի անվան ռազմական ինստիտուտում հրազենային վնասվածքի հետեւանքով մահացած կուրսանտ Սիփան Մովսիսյանի մորը` Հասմիկ Նիկողոսյանին:
Սիփանը ապրում էր տնակում` մոր, տատիկի եւ երկու եղբայրների հետ` ծանր սոցիալական պայմաններում:
Դեպքից հետո ՊՆ նախարար Սեյրան Օհանյանը միջնորդագիր էր ներկայացրել Լոռու մարզպետ Արթուր Նալբանդյանին, որպեսզի Հասմիկ Նիկողոսյանին բնակարան հատկացնեն Վանաձորում:
Լոռու մարզպետ Արթուր Նալբանդյանն էլ խնդրով դիմել էր Վանաձորի քաղաքապետ Սամվել Դարբինյանին:
Կարդացեք նաև
Այսօր կայացած ավագանու արտահերթ նիստի ընթացքում էլ, ի լրումն այլ օրակարգային հարցերի, լուծվել է նաեւ բնակարան հատկացնելու հարցը:
Անուշ ԲՈՒԼՂԱԴԱՐՅԱՆ
