Այսօր «Ֆորում» ակումբում սեքսապաթոլոգ Մարատ Զաքարյանը եւ հոգեբան Իրինա Ծատուրյանը խոսեցին ընտանեկան կոնֆլիկտների մասին:
Հոգեբանի խոսքով` եթե կա ընտանիք հասկացությունը, ապա կա նաեւ կոնֆլիկտ:
Իսկ թե ինչու են այսօրվա դրությամբ շատացել ամուսնալուծությունները, ընտանեկան կոնֆլիկտները, Ծատուրյանը գտնում `«Այսօր տրադիցիոն հայ ընտանիքը ձեւափոխման ընթացքի մեջ է: Մեծագույն պատճառներից մեկը ամուսնալուծությունների սոցիալական դաշտի փոփոխության մեջ է»:
Զաքարյանն էլ նշեց, որ հարկավոր է դասակարգել այդ կոնֆլիկտները, այսինքն` հաշվի առնել այն, թե համատեղ կյանքով ապրելուց քանի տարի հետո են առաջացել, այդ կոնֆլիկտները: Ըստ նրա, եթե առաջին կոնֆլիկտները սկսում են ամուսնությունից 2 տարի հետո, ապա վտանգավոր են ամուսնությունից 15-20 տարի հետո առաջացած կոնֆլիկտները, եւ նման իրավիճակների առաջ են կանգնում զույգերը նաեւ 60-70 տարեկան հասակում»:
Կարդացեք նաև
Ծատուրյանի խոսքով` հաճախ ամուսնալուծվում են այն պատճառներով, երբ օրինակ՝ զույգն ամուսնացել է շատ երիտասարդ տարիքում, տղան դեռ շարունակում է ուշ տուն գալ, ընկերների հետ ժամանակ անցկացնել, իսկ կինը` դեռ ամուսնուց ծաղիկներ է սպասում եւ այլն:
Եվա ՀԱԿՈԲՅԱՆ
