Օգոստոսի 3-ին մեկնարկում է ֆուտբոլի Հայաստանի բարձրագույն խմբի 22-րդ՝ 2013/2014 թթ.առաջնությունը:
Նոր առաջնությունն անցկացվելու է աշուն-գարուն ժամանակացույցով՝ եվրոպական օրացույցին հարմարվելու նպատակով: «Ֆուտբոլ պլուսը» հիշեցնում է, որ նույն մրցակարգով Հայաստանի բարձրագույն խմբի առաջնություններ անցկացվել են նաեւ 1995/1996 եւ 1996/1997 թվականներին:
Մասնակից ութ թիմերն անցկացնելու են 14-ական տուրով չորս խաղաշրջան, երկուսը՝ այս տարի, երկուսը՝ 2014 թվականին: Աղբյուրը նշում է նաեւ, որ մեկնարկող առաջնությունում կան նաեւ նորարարություններ: Մասնավորապես, խաղերը կսպասարկեն վեց մրցավարներ, որոնցից երկուսը խաղերին հետեւելու են դարպասների ետեւից:
Բարձրագույն խմբի առաջնությանը մասնակցող թիմերն են Գյումրիի «Շիրակը», Երեւանի «Միկան», Կապանի «Գանձասարը», Երեւանի «Փյունիկը», Երեւանի «Ուլիսը», Երեւանի «Արարատը» եւ Երեւանի «Ալաշկերտը»:
Աշոտ ՀԱԿՈԲՅԱՆ
