Օգոստոս ամսին կենսաթոշակների վճարումները մի քանի օր ուշացան: Այսօր կառավարության նիստում ՀՀ վարչապետ Տիգրան Սարգսյանն անդրադարձավ այս խնդրին: Նա նշեց, որ թեեւ արմատական փոփոխություններ են կատարվել, բայց ներքին դիմադրություն կա նոր համակարգի նկատմամբ:
Ըստ Տ. Սարգսյանի՝ առաջին անգամ, երբ կենսաթոշակները վճարվեցին էլեկտրոնային տվյալների բազայի հիման վրա, շատերին դա դուր չեկավ եւ փորձում են ցույց տալ, որ պետք է զուգահեռաբար թղթային համակարգով վճարվեն:
Ըստ վարչապետի՝ կենսաթոշակների վճարման ոլորտում կոռուպցիոն ռիսկերը առաջանում են հենց թղթային ձեւակերպումների ժամանակ. այս դեպքում ամբողջական վերահսկողությունը բարդանում է: Տիգրան Սարգսյանի ներկայացմամբ՝ հիմա էլ ոլորտում արձանագրվել են նոր խախտումներ թղթային ձեւակերպումների ժամանակ, կային մարդիկ, որոնք փորձում են հիմ մեթոդով գումար աշխատել: Այս մասին վարչապետին զեկուցել է աշխատանքի եւ սոցիալական հարցերի նախարարը: Խախտումների եւ չարաշահումների առիթով նյութեր են պատրաստվում, որոնք, ըստ վարչապետի, սեպտեմբերի կհրապարակվեն:
Վարչապետը ներողություն խնդրեց կենսաթոշակառուներից գումարի ուշացման համար եւ խոստացավ, որ սեպտեմբերից թերություններ չեն լինի:
Կարդացեք նաև
Նելլի ԲԱԲԱՅԱՆ
