Լույս է տեսել «Չիլինգարյան (Մամիկոնյան) տոհմ» պատմաազգագրական հասարակական կազմակերպության պաշտոնաթերթի անդրանիկ համարը:
«Չիլինգար» թերթի ճակատին գրված է կարգախոս՝ «Համախմբված տոհմ, հարատեւող ազգ, հզոր Հայաստան»: Հասարակական կազմակերպության նախագահն է ՀՀ զինված ուժերի սպառազինության վարչության պետ, գեներալ-մայոր Մելս Չիլինգարյանը: Պաշտոնաթերթի առաջին համարի 8-րդ էջում պատկերված է Չիլինգարյանների մեծ տոհմածառը, թերթում նյութեր կան բանաստեղծ Ռուբեն Սեւակի (Չիլինկիրյան), անվանի բեւեռախույզ Արթուր Չիլինգարովի վերաբերյալ:
Չիլինգարյանների տոհմածառի հեղինակ, քիմիական գիտությունների թեկնածու Էդվարդ Սարգսյանը թերթում գրում է, որ այդ տոհմն ապրել է Մուշի Վարդաբլուր, Գլդան եւ Պարնի գյուղերում, Մամիկոնյան տոհմում երբ երեխա է ծնվել, նրա վզից կախել են տոհմական զինանշանը: Այն պատկերել է մագիլներով խոյ բռնած արծվի եւ խորհրդանշել է տոհմի նախահորը,երբ նա կրակ էր իջեցնում երկնքից:
«Չիլինգար» թերթի առաջին համարում գրված է. «Այսօր Մամիկոնյան-Չիլինգարյան տոհմի անդամների թիվն անցնում է 10 000-ից: Տոհմի անդամները կրում են 80-ից ավելի ազգանուններ,ապրում են տարբեր երկրներում, բայց արյան կանչը միացնում է նրանց»:
Կարդացեք նաև
Ոսկան ՍԱՐԳՍՅԱՆ
