Կլայպեդայում այսօր ավարտվեց ծանրամարտի Եվրոպայի 15 եւ 17 տարեկանների առաջնությունը:
Եզրափակիչ օրը հայաստանցի գերծանր քաշային Սիմոն Մարտիրոսյանը երկամարտի 367 կգ արդյունքով նվաճեց 17 տարեկանների Եվրոպայի չեմպիոնի կոչումը: էջմիածինցի մարզիկը միեւնույն ժամանակ ճանաչվեց նաեւ առաջնության լավագույն ծանրորդ: Սիմոն Մարտիրոսյանն այս տարի նվաճել էր նաեւ իր տարիքային խմբի աշխարհի չեմպիոնի տիտղոսը: Նույն՝ +94 կգ քաշային կարգում մեր երկրորդ ներկայացուցիչը՝ Արեն Հարությունյանը, 305 կիլոգրամով 5-րդն է:
Այսօր մրցահարթակ մըավ նաեւ Տատթեւ Հակոբյանը, որը հանդես է գալիս 17 տարեկան աղջիկների 69 կգ քաշային կարգում: Տաթեւը երկամարտում բարձրացրեց 170 կիլոգրամ եւ ճանաչվեց Եվրոպայի առաջնության բրոնզե մեդալակիր:
Լրատվական կայքերի տարածած տեղեկատվության համաձայն, Հայաստանի 17 տարեկան տղաների հավաքականը թիմային հաշվարկում գրավել է առաջին տեղը:
Կարդացեք նաև
Աշոտ ՀԱԿՈԲՅԱՆ
