Այսօր ԵԽԽՎ աշնանային նստաշրջանի լիագումար նիստի ընթացքում ԵԽԽՎ-ում Հայաստանի պատվիրակության անդամ, ԲՀԿ խմբակցության պատգամավոր Վահե Հովհաննիսյանն անդրադարձավ ՀՀ-ի` Մաքսային միությանն անդամակցության որոշմանը:
Հայ պատվիրակը ԵԽԽՎ ամբիոնից հայտարարեց, որ ՀՀ-ԵՄ համագործակցության համար անհրաժեշտ է քաղաքական նոր օրակարգ: Այնուհետև նշեց, որ մարդու իրավունքների բնագավառում և ՀՀ-ում կազմակերպված ընտրությունների հարցում գոյություն ունեցող որոշ հիմնախնդիրների վրա ԵԽ-ի` «աչքերը փակելը» հայ հասարակության շրջանում անվստահություն է առաջացնում եվրոպական արժեքների նկատմամբ:
Հետո պատվիրակը կարծիք հայտնեց, որ Հայաստանի և ԵՄ-ի միջև ֆիզիկական սահման կարող է լինել հայ-թուրքական սահմանը, որը փակ է: Հայ պատվիրակը հարց բարձրացրեց`արդյոք Ասոցացման համաձայնագրում այդ հարցը քննարկվե՞լ է, թե՞ ոչ: Հիմնվելով այս հարցերի վրա, ամփոփելով խոսքը` Վահե Հովհաննիսյանը ևւս մեկ անգամ շեշտեց, որ ՀՀ-ԵՄ համագործակցության համար քաղաքական նոր օրակարգ է անհրաժեշտ:
Կարդացեք նաև
Տաթև ՀԱՐՈՒԹՅՈՒՆՅԱՆ
