Բրիտանացի լեգենդար գերծանր քաշայինը պատրաստ է վերադառնալ պրոֆեսիոնալ ռինգ եւ մենամարտել սուպերչեմպիոն Վլադիմիր Կլիչկոյի հետ: Բայց դրա համար նա պահանջում է $ 100 միլիոն հոնորար:
Ալեքսանդր Պովետկին-Վլադիմիր Կլիչկո մարտի ժամանակ, որին ներկա է եղել Լյուսը, պրոումոթերները նրան ռինգ վերադառնալու համար առաջարկել են $ 50 միլիոն: Սակայն 48-ամյա վետերանը պահանջել է կրկնապատիկը:
«Daily Mail»-ը մեջբերում է Լյուսի խոսքերը. «Մոսկվայում Պովետկին-Կլիչկո մենամարտի ժամանակ ինձ ռինգ վերադառնալու համար առաջարկեցին $ 50 միլիոն: Ես լավ մարզավիճակ պահպանում եմ եւ ռինգ կարող եմ մտնել արդեն վեց ամիս հետո: Սակայն մտածելով առաջարկի մասին, որոշեցի, որ այդ գումարը շատ քիչ է, որպեսզի վտանգի տակ դնեմ չպարտված չեմպիոնի տիտղոսս»:
Լենոքս Լյուիսը նաեւ ճշգրտել է, որ վերադառնալու դեպքում գերադասում է հանդիպել հենց կրտսեր Կլիչկոյի հետ, քանի որ ավագ եղբորը՝ Վիտալիին, 2003 թվականին Լոս Անջելեսում արդեն հաղթել է տեխնիկական նոկաուտով:
Կարդացեք նաև
Աշոտ ՀԱԿՈԲՅԱՆ
