Այսօր ինքնասպան է եղել Ախուրյանի հարկայինի նախկին պետի`Մեխակ Պապիկյանի 24-ամյա որդին`Արմեն Պապիկյանը: Վերջինս երեք երեխաների հայր է, երեխաներից մեկը 3 տարեկան է, իսկ երկվորյակները` 9 ամսեկան: Նրա դին գտել են Ախուրյանի Կուլակավան կոչվող թաղամասի` «Եվրո» տաքսի ծառայության մոտակայքում գտնվող կիսակառույց շինությունում:
Թե որն է եղել կյանքին վերջ դնելու պատճառը, խոսակցություններ են պտտվում այն մասին, որ նա պարտքերի մեջ է ընկել: Գյումրեցիների բնութագրելով, նա կիրթ մարդկանց ընտանիքի զավակ է, պապը`Վառլան Պապիկյանը, երկար տարիներ եղել է քարհանքերի վարիչ, հայրը երկար տարիներ աշխատել է հարկային տեսչությունում. զբաղեցրել պետի պաշտոնը սկզբում ` Ախուրյանում, այնուհետ Գյումրիում: Նա հարկային տեսչության նախկին պետ, Շիրակի նախկին մարզպետ Լիդա Նանյանի մտերիմներից է: Վերջիններս Գյումրիում վաճառելով իրենց տունը` տեղափոխվել էին բնակության Ախուրյան: Դեպքի մանրամասները ճշտվում են:
Նունե ԱՐԵՎՇԱՏՅԱՆ
Կարդացեք նաև
Հարգելի Նունե Արևշատյան: Իմ կարծիքով բացարձակ պարտադիր չէր տվյալ հոդվածում հիշատակել Նախկին Շիրակի մարզպետի մտերիմը լինելու չստուգված փաստը: Խորհուրդ եմ տալիս լինել ավելի զուսպ և արհեստավարժ:
Ենթադրենք, մոտ է կամ մոտ չէ: ԻՆչ կապ ունի դա այս երիտասարդի մահվան հետ: Ցավալին, երիտասարդի մահն է, որբացած ընտանիքը, սգավոր հարազատները: Ցավալին ինքնասպանությունների աճող թիվն է երիտասարդների մոտ: Ցավալին, այսօրվա լրագրողների ոչ արհեստավարժությունն է:
Քաղաքում խոսում են, որ երիտասարդը պարտվելէ Մարտուն Գրիգորյանի պատկանող կազինոյում,տղուն ստիպել են փողերը փակվել,ինքն էլ հւսահատված ելքը գտել է կախվելով կյանքին վերջ տալու մեջ: էսպես է երկիր կլինի, անօրեն, լկտի բարքերով , ջահելներին փչացնում են, տնաքանդությունը էլ ոնց կեղնի որ?: