«Մարդիկ ուզում են վերեւից իշխանություն վերցնեն, ժողովրդի հետ չեն աշխատում, արդյունքը քիչ է լինում, եւ սկսվում են մասնատվել: Ի՞նչ է անում ընդդիմությունը. որտեղ հիսուն մարդ է հավաքվում, գալիս ասում են՝ մենք ձեզ սատարում ենք: Հիմա դա էլ չեն անում, որովհետեւ կորցրել են վստահությունը: Պայքարը դժվար բան է, ոչ բոլորն են դրան դիմանում: Խորհրդարանական ուժերը ազատ են շահարկման մոտեցումներով իրենց պահպանել, մասնավորապես ՀԱԿ-ը, «ժառանգությունը»… «Սուտլիկ որսկանի» մեջ, որ ասում է՝ մինն էլ տակ չունի… բոլորը գնում են նույն ուղղությամբ»,- այսպես արտահայտվեց ԱԺ-ում ներկայացված, սակայն փլուզման միտումներ ցույց տվող ընդդիմադիր խմբակցությունների մասին ԱԺ ՀՀԿ խմբակցության ղեկավար Գալուստ Սահակյանը:
Նա կարծում է, որ «սա մի պահ է քաղաքական դաշտի համար, որ նոր ուժեր պիտի գան, երիտասարդական խելացի եւ ըմբռնող ուժեր. «Մարդիկ մտածում են, որ պայքար՝ դա նշանակում է իշխանավոր դառնալ: Բայց պայքար՝ նշանակում է պետության ներսում գործոն դառնալ նրա ներսում զարգացումներն ապահովելու համար: Իրենք մեղավոր չեն եւ ոչ էլ մեղք են, բայց չեն կարողանում իրենց պատասխանատվությունն ապահովել»:
Մելանյա ԲԱՐՍԵՂՅԱՆ
