Այսօր «Ֆորում» ակումբում գրականագետ Արտեմ Հարությունյանը, անդրադառնալով հայտնի քանդակագործ Լեւոն Թոքմաջյանի հեղինակած՝ Ֆլորա Մարտիրոսյանի մահարձանի շուրջ նրա հարազատների դժգոհություններին, ասաց. «Յուրաքանչյոր արվեստագետ, ինչքան հեռանում է՝ ավելի մոտենալով քանդակին, այնքան մեծանում է, հիշեք Պիկասոյի ստեղծագործությունները: Ֆանտազիան, երեւակայությունը… Թոքմաջյանը հիանալի պատկերացում ունի: Ես ուզում եմ փաստաբանական խոսք ասել, որովհետեւ Լեւոնի արվեստը բարձր եմ գնահատում»:
Արտեմ Հարությունյանի խոսքով`կարեւորը էության պատկերն է, եւ ոչ թե այն, թե ամուսինն ինչ կասի, կամ`«Կասի՝ վա~յ, սա իմ կնիկը չէ: Որոշ մթնոլորտ կա, որ նախանձից ելնելով ուզում են այս փաստը օգտագործել, ինչպես այն ժամանակ Զորի Բալայանի նամակի հետ կապված, որ Սերժ Սարգսյանին կպնելու համար, քննադատում էին Զորի Բալայանին»:
Արտեմ Հարությունյանը նաեւ հավելեց, որ ստեղծված իրավիճակն ընդամենը կոնֆլիկտ է, որը շուտով կմարի ու վերջապես կհասկանան, որ հիանալի աշխատանք է արվել:
Կարդացեք նաև
Եվա ՀԱԿՈԲՅԱՆ
