amerikayidzayn.com․ Ուկրաինայի նախագահ Վիկտոր Յանուկովիչը երկուշաբթի օրը հայտարարել է եվրաինտեգրումից հրաժարվելու դեմ բողոքի ցույցեր անցկացնող ընդդիմության ներկայացուցիչների հետ բանակցություններ անցկացնելու գաղափարը սատարելու մասին:
Այս մասին հաղորդագրություն է հրապարակվել Յանուկովիչի պաշտոնական կայքում, որտեղ նշված է, որ Ուկրաինայի առաջին նախագահ Լեոնիդ Կրավչուկն առաջարկել է ստեղծել իշխանությունների և ընդդիմության մասնակցությամբ «համազգային կլոր սեղան», որը նպատակ է հետապնդելու գտնել ստեղծված իրավիճակից դուրս գալու միջոցներ:
«Վիկտոր Յանուկովիչը սատարել է այս նախաձեռնությունը: Իր կարծիքով, նման կլոր սեղանը կարող է դառնալ հարթակ՝ փոխըմբռնում ձևավորելու համար», – ասված է Ուկրաինայի նախագահի կայքում:
Ուկրաինայի ընդդիմությունն այս ընթացքում պատրաստվում է հետ մղել Եվրոմայդանը շրջափակող ներքին զորքերի գրոհը:
Կարդացեք նաև
Կիևից «Ամերիկայի Ձայն»-ի թղթակցի փոխանցմամբ, ցուցարարների ճամբարում հավաքագրում են բոլոր տղամարդկանց, ովքեր կարող են պաշտպանել բարիկադները:
Մանրամասները՝ amerikayidzayn.com․ կայքում
