Դեռ 2013 թվականի վերջին ամսվա սկզբում Facebook-ի հիմնադրի կողմից տեղեկացվել էր, որ լրահոսում տեղի են ունենալու որոշ շտկումներ: Այդ ընկերության ղեկավարների նպատակն է այնպիսի նորամուծությունների ներմուծումը, որոնց միջոցով օգտատերերի լրահոսը կկարողանա ձեւավորվել վիրուսային, ինչպես նաեւ նորությունների բովանդակության հաշվին: Այս ամենը հարկավոր է նրա համար, որ օգտատերերը կարողանան ստանալ իրենց ուզած նյութը՝ ուզած ժամին եւ ուզած տեղում: Բայց ինչպես պարզվեց ավելի ուշ, այդպիսի նորամուծություններ ներմուծելով, Facebook-ը ամբողջությամբ անտեսում է օգտատերերի շահերը, ինչպես նաեւ այն ԶԼՄ-ներինը, որոնք աշխատում են ցանցի հետ: Հաղորդում է Сейчас.ру կայքը:
Facebook-ի լրահոսի արդիականացման մասին հայտնի է դարձել վաղուց, քանի որ այդ մասին դեռ մարտին հայտարարել էր Facebook-ի հիմնադիրը՝ Մարկ Ցուկերբերգը:
Օգոստոսի սկզբից լրահոսի ալգորիթմում որոշակի փոփոխություններ էին արվել, որոնցից առաջինը թույլ էր տալիս գրառումները վերեւ բարձրացնել: Ավելի ուշ հայտնվեց մի նոր գործառույթ, որը մեծամասամբ հետաքրքիր էր ԶԼՄ-ներին, քանի որ ԶԼՄ-ների կայքերից վերցվում էր այն տեղեկությունը, որը շատ լավ տարածվում էր: Հրապարակային հայտարարության մեջ ասված է, որ կայքի ստեղծողները ձգտում են հասնել նրան, որ գրառումները չդասավորվեն այն հերթականությամբ, որով դրանք հրապարակվել են, այլ այն հերթականությամբ, որով ցանկանում են օգտատերերը:
Մոտավորապես սեպտեմբերի ամսին «BuzzFeed» հրատարակության աշխատակիցները նկատել են, որ հին գրառումները, որոնք տեղադրվել են ավելի քան մեկ տարի առաջ, սկսել են հավաքել մեծ քանակությամբ դիտումներ: Լրագրողներին դա տարօրինակ է թվացել եւ նրանք որոշել են կապվել Facebook-ի հետ: Սոցցանցի ներկայացուցիչներից լրագրողները իմացան, որ դա լրահոսում կատարված փոփոխությունների արդյունքն է:
Կարդացեք նաև
Դեկտեմբերի սկզբին հայտարարվեց, որ լրահոսի աշխատանքի սկզբունքները փոխվել են: Ամենավերեւում տեղադրվելու են այն գրառումները, որոնք որոշակի ժամանակահատվածում չեն մեկնաբանվել, բայց հավաքել են մեծ քանակությամբ «լայքեր» եւ մեկնաբանություններ: Գործառույթը, որը շուտով կհայտնվի, օգտատերերին կառաջարկի տեղեկություններ կարդալ այն թեմայի մասին, որը նրանք արդեն կարդացել են:
Փոխելով լրահոսը՝ սոցիալական ցանցը առաջարկում է լիովին ուրիշ կանոններ: Հիմա Facebook-ից ավելի շատ կշահեն այն խոշոր կազմակերպությունները, որոնք տպում են յուրահատուկ նյութեր:
