Ջրային տնտեսության պետական կոմիտեի ղեկավար Անդրանիկ Անդրեասյանն այսօր կառավարության մամուլի սրահում հայտնեց, որ ներկայումս 4 խոշոր ջրամբարների կառուցման վերաբերյալ որոշում կա, որոնցից երկուսի աշխատանքներն արդեն սկսված են: Մյուս ջրամբարների շուրջ արտասահմանյան կազմակերպությունների հետ բանակցություններ են ընթանում: Խորհրդային տարիներից կիսատ մնացած Եղվարդի ջրամբարաշինության ծրագիրը նույնպես ուժի մեջ է:
Պարոն Անդրեասյանն ասաց, որ արտեզան ավազանում ջրի ինտենսիվ օգտագործման պատճառով հողի մեխանիկական հատկությունները փոխվել են: Դրան «նպաստել» է Արարատյան դաշտավայրում զարգացող ձկնաբուծությունը: Ուսումնասիրությունը պարզել է, որ արտեզյան հորերից 750 միլիոն խորանարդ մետր ավելի ջուր է օգտագործվում:
Լուսինե ԲՈՒԴԱՂՅԱՆ
