Ադրբեջանցի փորձագետները ծիծաղելի են որակում «դիվերսանտի» վարկածը և ընդգծում, որ տեղի ունեցածը լուրջ հարցեր է առաջ քաշում:
Ըստ «Ազատություն» ռադիոկայանի, Ադրբեջանցի ռազմական փորձագետները ծիծաղելի են որակում երկրի պաշտպանության նախարարության կողմից հրապարակված հայտարարությունը, թե Թովուզի շրջանի Ալիբեյլի գյուղում գերեվարված 77-ամյա վերինկարմիրաղբյուրցի Մամիկոն Խոջոյանը հայկական հետախուզական-դիվերսիոն խմբի անդամ էր:
Բաքվեցի վերլուծաբան Ուզեիր Ջաֆարովը «Ազատություն» ռադիոկայանի ադրբեջանական ծառայությանը տված հարցազրույցում նշում է․ – «Այդ մարդը դիվերսիոն խմբի հետ որևէ կապ չունի: Դա մի ծեր մարդ է, որը կարծես նաև առողջական խնդիրներ ունի: Նշույլ անգամ չկա, որ պաշտպանության նախարարության պնդումները իրականությանն են համապատասխանում: Ոչ զենք է հայտնաբերվել, ոչ էլ այդ մարդը հրազենային վնասվածքներ ունի»:
Ջաֆարովը պնդում է նաև, թե այս միջադեպը լուրջ հարցեր է առաջ քաշում: «Ավելի լավ կլիներ, եթե պաշտպանության նախարարությունը բացատրեր, թե ինչու են Խոջոյանին գերի վերցրել հասարակ գյուղացիները: Իսկ ի՞նչով էին զբաղված այդ տարածքում ծառայող ադրբեջանցի զինվորները: Եթե Խոջոյանը զինված էր` ինչո՞ւ նա չի կիրառել այդ զենքը: Եվ ամենակարևորը` արդյո՞ք այդ տարածքն ականապատված չէ: Եթե 77 տարեկան հայ ծերունին հեշտությամբ կարող է հատել սահմանը, նշանակում է, որ հատուկ պատրաստություն անցած հայ զինծառայողները ևս հեշտությամբ կարող են մուտք գործել Թովուզ, կամ նույնիսկ՝ Բաքու, իրականացնել իրենց դիվերսիան և հանգիստ վերադառնալ», – նշում է ադրբեջանցի ռազմական փորձագետը:
Կարդացեք նաև
Գեւորգ Ստամբոլցյան
Նյութի մանրամասները կարդացեք սկզբնաղբյուր կայքում
նույն հարցը կարելի է տալ նաև մեր կողմին