Միգրացիոն պետական ծառայությունն ուրբաթ օրը վերջապես հրապարակեց 2013թ. ընթացքում Հայաստան ժամանումների եւ Հայաստանից մեկնումների թիվը։ Ըստ այդմ՝ պաշտոնապես արձանագրվեց, որ նախորդ տարի հանրապետությունը լքել են եւս 31 հազար 200 քաղաքացիներ։ Հենց այսքան է կազմել մեկնումների եւ ժամանումների թվաքանակի տարբերությունը կամ, այսպես կոչված, սալդոն, որը, բացառությամբ 2004–2006թթ., հասկանալի օրինաչափությամբ՝ միշտ բացասական է եղել։ Իսկ ահա, 2010, 2011 եւ 2012 թվականներին արտագաղթը հասավ աննախադեպ մասշտաբների՝ հատելով տարեկան 40-45 հազարի շեմը։ Այս առումով անցյալ տարին եւս իշխանությունների համար պակաս «արգասաբեր» չի եղել։
Մինչդեռ ստացվում է, որ նախորդ տարի, վերջին մի քանի տարիների համեմատությամբ, 10-15 հազարով պակաս քաղաքացի է երկրից հեռացել, այսինքն՝ իշխանություններն ավելի քիչ ջանք ու եռանդ են խնայել երկիրը գործազուրկներից, աղքատներից, քաղաքականապես անհույսներից ու, վերջապես, ոչ «պետականամետ» տարրերից մաքրելու ուղղությամբ, ինչն իրականության հետ կապ չունի։ Քանի որ կառավարությունն աշխատել է, ձեռք ձեռքի տված՝ աշխատել են իշխանության բոլոր թեւերը, պարզապես, մեր կարծիքով, հնարավոր է՝ սիրիահայերն են փչացրել վերջնական «արդյունքները», եւ թվաբանությունը խախտվել է։ Վերջիններս եկել եւ զբաղեցրել են Հայաստանից հեռացողների մի մասի տեղերը։
Թամարա ՂԱԼԵՉՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
