Ռուսաստանում հարցումներ դեռ չեն անցկացվել, սակայն ակնհայտ է, որ ռուսաստանցիների մեծ մասը աջակցում է Ղրիմի հարցում երկրի նախագահ Վլադիմիր Պուտինի դիրքորոշմանը:
Դեմ են փոքր տոկոս կազմող ազատական հայացքներով մոսկվացիները, մեծ քաղաքների բնակիչների փոքր մասը:
Ռուսաստանցիների մեծամասնության համար Ղրիմը ռուսական հող է, որի համար ռուս զինվորը արյուն է թափել, և Ղրիմում տեղի ունեցող իրադարձություններն էլ ռուսաստանցիները դիտարկում են մոտավորապես այնպես, ինչպես հայտնի քաղաքագետ Սերգեյ Մարկովն է ասում․ – «Ղրիմում ռուսները ապստամբում են խունտայի դեմ, նրանց դեմ, որ հեղաշրջման արդյունքում եկել են իշխանության, այդ թվում նաև նեոնացիստների դեմ»:
Պետք են նաև սահմանադրական փոփոխությունները, Ուկրաինայում անհրաժեշտ է ֆեդերացիա․ երբ երկրի շրջաններն այդքան տարբեր են, ֆեդերացիան ամենաճիշտ ելքն է, ասում է «Եդինայա Ռոսիա»-ն ներկայացնող պատգամավոր, քաղաքագետ Մարկովը:
Կարդացեք նաև
«Պուտինն այսօր արևմտյան առաջնորդներին թույլ է համարում: Նա թույլ է համարում Օբամային, օրինակ, նա համարում է, որ ռուսների դեմ Արևմուտքը չի պատերազմի: Եվ իսկապես, արևմտյան երկրները չեն ուզում երրորդ համաշխարհային պատերազմ սկսել», – նշում է Սերգեյ Մարկովը:
Ռուսաստանցի մեկ այլ քաղաքագետ-մեկնաբանի՝ Սվանիձեի խոսքերով, սակայն, Պուտինը չի հասկանում, թե ինչ հետևանքներ կարող են լինել տնտեսական պատժամիջոցների արդյունքում: «Դժվար թե Արևմուտքն առանց լուրջ արձագանքի թողնի Ռուսաստանի նախագահի որոշումը՝ կլինեն և՛ քաղաքական, և՛ տնտեսական պատժամիջոցներ», – ասում է նա:
Նյութն ամբողջությամբ՝ սկզբնաղբյուր կայքում