Ուկրաինայի ճգնաժամը Ռուսաստանի պատճառով չի սկսվել, բայց այժմ պետք է հասկանալ, թե ինչպես հարթեցնել հարաբերությունները, ինչպես Ուկրաինայի, այնպես էլ ԱՄՆ-ի և Եվրոպայի հետ, հայտնել է Ռուսաստանի նախագահ Վլադիմիր Պուտինը մարտի 13-ին ՌԴ անվտանգության խորհրդի մշտական անդամների հետ հանդիպման ժամանակ: Փոխանցում է «ՌԻԱ Նովոստի»-ն:
Պուտինը նշել է, որ իրենք երկու հարց ունեն լուծելու, որոնցից մեկը ծրագրային է, մյուսը՝ ծրագրից դուրս. «Ծրագրայինն այն է, որ ՌԴ-ը պետք է զարգացնի իր հարաբերությունները Կենտրոնական Ամերիկայի և Կարիբյան ծոցի երկրների հետ: Իսկ երկրորդը՝ մենք չենք կարող անտեսել Ուկրաինայում, Ղրիմում տեղի ունեցող դեպքերը», – ասել է ՌԴ ղեկավարը՝ նշելով, որ ստեղծված իրավիճակը բարդ է, – «Ուզում եմ ընդգծել, որ մեր մեղքով չէ ստեղծվել այդ ճգնաժամը, բայց մենք այսպես, թե այնպես ներգրավված ենք դրա մեջ: Ուզում եմ նշել, որ առաջին հերթին դա Ուկրաինայի ներքին ճգնաժամն է»:
Պուտինն առաջարկել է միահամուռ ուժերով տարբերակներ գտնել իրավիճակից դուրս գալու համար. «Եկեք միասին մտածենք, թե ինչպես կառուցենք մեր հարաբերությունները մեր գործընկերների, Ուկրաինայի մեր ընկերների հետ և ԱՄՆ-ի ու Եվրոպայի մեր գործընկերների հետ: Բայց սկսենք առաջին՝ ծրագրային հարցից», – ասել է նա:
Կարդացեք նաև
Պատրաստեց Հովհաննես ԻՇԽԱՆՅԱՆԸ
հիանալի լուրեր : շնորհակալություն 🙂