ԵՊՀ-ն 1 մլն դրամ է փոխանցել «Հայաստան» համահայկական հիմնադրամի բացած հատուկ հաշվեհամարին, որտեղ արված հանգանակություններն ուղղվելու են քեսաբահայերին օգնելու գործին: 500.000 դրամի չափով նվիրատվություն էլ կատարել է ԵՊՀ ուսանողական խորհուրդը:
«Մեր խորին ցավակցությունն ու աջակցությունն ենք հայտնում Սիրիայում շարունակվող անարդար պատերազմի և մասնավորապես Քեսաբի ցավալի իրադարձությունների արդյունքում ծանր տառապանքներ կրած սիրիացի և սիրիահայ ազգաբնակչությանը և պատրաստակամություն հայտնում բարոյական ու նյութական հնարավոր միջոցներով մեղմել նրանց վիշտն ու կորուստը: 21-րդ դարում էլ ժողովուրդների գոյապահպանումը հիմնվում է ինքնօգնության վրա: Կոչ ենք անում հայաստանյան հասարակությանը և համայն հայությանը միավորվել, անտեսել միջկուսակցական, միջխմբային տարաձայնությունները և համախմբվել քեսաբահայությանը, սիրիահայությանն ու սիրիացիներին օգնելու գաղափարի շուրջ»,- ասում է ԵՊՀ ռեկտոր Արամ Սիմոնյանը:
Հիշեցնենք, որ նվիրատվությունները կարող եք փոխանցել Արդշինինվեստբանկում բացված հետևյալ հաշվեհամարներին`
247010003090 (ՀՀ դրամ)
247010003090/0001 (ԱՄՆ դոլար)
SWIFT: ASHBAM22
Արամ Սիմոնյանը բարոյական իրավունքը չի վաստակել կոչով դիմելու հայ հասարակությանը և համայն հայությանը…
Եթե նրան մտահոգեր միասնության գաղափարը, ապա Մայր բուհը չէր դարձնի հհկ ապազգային կենտրոն, չէր խթանի կոռուպցիան ու կաշառակերությունը, չէր թալանվի գրադարանի հնատիպ ու հազվագյուտ գրականությունը , չէր յուրացվի մի քանի տասնյակ միլիոնի հասնող ուսանողական վարձավճարները, չէր ամայացվի կրթական համակարգը:
Այդ անձը պատճառ է դարձել բազում հայ ընտանիքների տառապանքների, նրա ձեռքով շատ ընտանիքներ զրկվել են գոյության նվազագույն հնարավորությունից և այժմ իրեն իրավունք է վերապահում ,,անմեղ հրեշտակի,, թևեր հագնել և ազգային ու կուսակցական անառարկելի ,,հեղինակությունը,, փորձարկել:
Թո’ղ առաջին հերթին ի’ր հանցանքների համար պատասխան տա ◇◇◇◇◇◇